ഓം:
വാഗ്മേ മനസി പ്രതിഷ്ഠിതാ
മനോ മേ വാചി പ്രതിഷ്ഠിതം
ആവിരാവീര്‍മ ഏധി
ഓം: എന്‍റെ വാക്ക് മനസിലും മനസ് വാക്കിലും പ്രതിഷ്ഠിത മാകട്ടെ !
സ്വയം പ്രകസകമായ ബ്രഹ്മമേ എന്നില്‍ പ്രകാശിക്കേണമേ.
"ശരിക്കും ഹൃദയം സ്നേഹം കൊണ്ട് തുളുംബുമ്പോള്‍, അവിടെ കരുണ
നിറയുമ്പോള്‍ മാത്രമാണ് ഒരാള്‍ക്ക് പൂര്‍ണമായ
അര്‍ത്ഥത്തില്‍ പ്രതികരിക്കാന്‍ കഴിയുന്നത്."
" മറ്റുള്ളവരോടുള്ള വിനയം, സര്‍വ്വ ജീവ രാശി കളോടുമുള്ള ആദരവ്,
കാരുണ്യം, ഒരു തുടക്കക്കാരന്‍റെ ഭാവം ഇവയാണ് ഒരു
ഭക്തന് ഉണ്ടായിരിക്കേണ്ട ഗുണങ്ങള്‍.
ഋഷികൾ നമുക്ക് തന്ന സംസ്ക്കാരം അതാണ്
അതുള്‍ക്കൊണ്ട് ജീവിച്ചാല്‍ ജീവിതത്തിന്‍റെ പരമ ലക്ഷ്യം
പ്രാപിക്കാന്‍ നമുക്ക് കഴിയും."
"ഈശ്വരാ"! ഭൗ തിക സമ്പത്ത് വിഡ്ഢികള്‍ക്കു കൊടുതുകൊൾക .
എനിക്കാവശ്യം ശാന്തമായ മനസാണ് അതെനിക്ക് നല്‍കിയാലും."
" നമ്മള്‍ മനുഷ്യരാണെന്ന് അഭിമാനിക്കുന്നു എങ്കിലും അത്
പുറമെയുള്ള രൂപത്തില്‍ മാത്രമാണ്.അകത്ത് എന്നും
നമ്മള്‍ മഹാനായ കുരങ്ങന്‍ ആണ്.കുരങ്ങന്‍ ഒരു വൃക്ഷത്തിലിരുന്നാല്‍
ഒരു കൊമ്പില്‍ നിന്ന് മറ്റൊരു കൊമ്പിലേക്ക് ചാടും അവിടെനിന്നും അതിനടുത്ത
കൊമ്പിലേക്ക്. എന്നാല്‍ മനുഷ്യകുരങ്ങു അതിനെക്കാള്‍ എത്രയെ മേലെയാണ്.
ചിലപ്പോള്‍ വളരെ വര്‍ഷങ്ങള്‍ പിന്നിലെയ്ക്കോടും
അതിനടുത്ത നിമിഷം വളരെ മുന്നിലേക്ക്‌ പായും. ഇതേ രീതിയിലാണ്‌
നമ്മുടെ മനസാകുന്ന കുരങ്ങന്‍റെ ചട്ടം.
ഈ മനസിനെ മാറ്റിയെടുക്കുക അത്ര നിസ്സാരമായ കാര്യമല്ല
പൂര്‍വ സംസ്ക്കാരത്തിന്‍റെ ശക്തി അത്ര വലുതാണ്
നാനാ വഴിക്കും സാദാ ഓടികൊണ്ടിരിക്കുന്ന മനസ് മാറ്റാന്‍ വളരെ വിഷമമാണ്
ഇങ്ങനെയുള്ള മനസിനെ നിയന്ത്ര ണത്തിലാക്കണമെങ്കിൽl
അതിനെ വളച്ചു ഒരു വൃത്ത മാക്കണം
മനസിനെ വളച്ചു വൃത്തമാക്കുക എന്നാല്‍ നാനാ ദിക്കിലും ഓടുന്ന ചിന്തകളെ
ക്രമീകരിച്ചു നിയന്ത്രണത്തി ലാക്കുക എന്നതാണ്
അതിനു മുഖ്യമായി വേണ്ടത് വിനയവും സമര്‍പ്പണവും ആണ്.
അതുണ്ടായാല്‍ ചിന്തകള്‍ക്ക് തോന്നിയപോലെ പോകാന്‍ ആകില്ല.
ഒരു പാമ്പു സ്വന്തം വാലില്‍ കടിച്ചിരുന്നാല്‍ അതിനു ഇഴയാന്‍ സാധിക്കില്ല .
ഇതുപോലെ നമ്മുടെ മനസിനെ വളക്കാന്‍ സാധിച്ചാല്‍ അനാവശ്യ ചിന്തകള്‍
ഒഴിഞ്ഞു മനസ് നമുക്കദീനമാകും
നമ്മുടെ ശരീരം വളര്‍ന്നു മനസ് വളര്‍ന്നില്ല അതാണ് നമ്മുടെ ഇപ്പോഴത്തെ
സ്ഥിതി.നമ്മള്‍ പരമാത്മാവിനോട് ബന്ധിക്കണം
അപ്പോള്‍ അവിടുത്തെ അനന്തമായ ശക്തി നമ്മിലൂടെ ഒഴുകും.
പരമാത്മാവിനോട് ബന്ധിക്കുക എന്നാല്‍ ഞാനെന്ന ഭാവത്തെ വെടിഞ്ഞു
എല്ലാം അവിടത്തേക്ക് സമര്‍പ്പിക്കുക എന്നാണ്
നാം ഒന്നുമല്ല എന്നാ ഭാവത്തില്‍ എല്ലാം ആയി തീരുകയാണ്
"സീറോ ആയാല്‍ ഹീറോ ആകാം എന്ന് പറയുന്നതിന്‍റെ അര്‍ത്ഥമിതാണ്."
"ജീവിതത്തില്‍ രണ്ടു കാര്യങ്ങള്‍ ആണ് നടക്കുന്നത്.
ഒന്ന് കര്‍മ്മം ചെയ്യുക. രണ്ടു അതിന്‍റെ ഫലം അനുഭവിക്കുക.
കര്‍മ്മം ഏതു മനോഭാവത്തോട്‌ കൂടി ചെയ്യണം, ഏതു മനോഭാവത്തോടുകൂടി
കര്‍മ്മഫലം അനുഭവിക്കണം എന്നതറിഞ്ഞാല്‍ ജീവിതം
താരതമ്യേന ശാന്തവും സമാദാന പൂര്‍ണ്ണവും ആയിതീരും ."
